Deixounos Luz Fandiño.
Deixou con ela un mundo de leccións de vida, de política, de feminismo, de rebeldía, plasmados nos seus poemas, eses poemas escritos na súa cociña; neses poemas que lle saían de dentro. Deixóunos Luz Fandiño e a súa luz permanecerá entre nós. Hoxe toda persoa que tivo a honra e a sorte de compartir algunha experiencia con ela, estará facendo repaso das anécdotas, das vivencias, das risas, das bágoas, das frustracións e dos logros.
No meu caso, quédome coas moitas horas que pasamos falando de revolución: dos días de pegada de cartaces da Galego-cubana; das charlas e manifestacións ás que fumos xuntas. Quédome cunha viaxe a Lanzarote, nun momento no que non estaba eu moi ben de ánimo. Quédome coas cancións que cantaba e coas súas arengas para seguir adiante loitando. Quédome cos seus enoxos e cos seus perdóns. Quédome co seu "a ver" co que contestaba o teléfono. Quédome tamén co seu inconformismo.
Deixo aquí algunha testemuña de Luz, á que tiven a honra de coñecer e que sempre nos acompañarán.
Luz Fandiño, 91 anos recén cumpridos. Todo un exemplo de loita a seguir! Brava! ✊️💜#25N #Feminismo #Galiza @MMMGaliza @feminismogaliza @PFeministaGz pic.twitter.com/QLwDSqM4oW
— Pilar Fernandez (@pilaraymara) November 25, 2022
A nosa Luz Fandiño non falla nunca. Sempre coas causas xustas
— Pilar Fernandez (@pilaraymara) May 18, 2021
🥰✊ pic.twitter.com/6pw2LxtrUT
Tanto me gustou ser testemuña desta imaxe na que Luz entregaba a @anaponton un dos bonecos que ela facía para Icía #LuzFandiño https://t.co/jesPFc5Alc
— Pilar Fernandez (@pilaraymara) April 28, 2024
Son moitas as entrevistas que se lle fixeron a Luz, pero esta de Nós Televisión é moi interesante e moi completa.
Ningún comentario:
Publicar un comentario