domingo, 23 de agosto de 2020

Entrevista con Lucía Vázquez da Asociación de Bares, Pubs e Discotecas de Compostela #Covid19 #Lecer #Pubs #Compostela #Bares #Saúde

 O sector do ocio e da hostelería está a sufrir fortemente a pandemia e as decisións contraditorias que se están tomando dende a Xunta nestes meses. Mediáticamente non deixan de ser criminalizados presentando ao sector como foco dos gromos da covid, cando non hai casos nin estatísticas que avalen tales acusacións.

Falei con Lucía Vázquez, membro de Asociación de Bares, Pubs e Discotecas de Compostela sobre as medidas que están a tomar.


mércores, 19 de agosto de 2020

martes, 18 de agosto de 2020

Que acontece no CHUS - Entrevista con Fernando Abraldes da Asoc. de Pacientes e Usuarios do CHUS #Expedientes #DoutoraNercellas #Saúde #Covid19 #UrxenciasSanitarias #Doentes

 A Asociación de Pacientes e Usuarios do CHUS leva anos denunciando o deterioro dos servizos de emerxencia e as listas de agarda, asi coma a degradación de dereitos dos pacientes e usuarios dos servizos hospitalarios de Compostela. Falei con Fernando Abraldes sobre isto e sobre o expediente disciplinario aberto a Doutora Fátima Nercellas.

venres, 7 de agosto de 2020

Alcoa non pecha - Falamos con Zan (ALCOA) en Compostela

Traballadores de Alcoa en Compostela durante a Sesión de Apertura do Parlamento de Galicia. Continúan coas mobilizacións.

sábado, 1 de agosto de 2020

Plataforma SAF Galiza - Os problemas da atención socio-sanitaria a domicilio #Dependencia #Saúde #SAFGaliza

Un pracer enorme falar con Trini, Gema e Tere, da Plataforma SAF Galiza.
Todas e todos somos potenciais usuarios dos servizos sociosanitarios a domicilio. Elas nos contan as súas experiencias e os seus problemas Escoitade con atención, e apoiade a este persoal, que require da nosa axuda, comprensión e total solidariedade.

venres, 10 de xullo de 2020

Banda de Municipal de Santiago : terapia musical en tempos de pandemia


A nosa Banda de Música está sempre presente na cidade, é imprescindible. Compostela non pode vivir sen a súa Banda Municipal. En tempo de pandemia nos acompañaron primeiro dende casa, agora xa dende a rúa. Tiven a honra de poder compartir con Casiano Mouriño e varios compoñentes da institución, as súas vivencias. Enormes. Grazas, por sempre. 

sábado, 27 de xuño de 2020

O persoal sanitario sae as rúas cunha mensaxe para nós : Coida a quen te coida #SanidadePública #Covid19 #PrecariedadeLaboral #StopRecortes #StopPrivatizacións

Hoxe tivemos a honra de acompañar ao persoal sanitario na nosa primeira manifestación na "nova normalidade". Aquí deixamos a nosa reportaxe e agardamos que vos goste tanto, tanto, tanto que a compartades e vos animedes a seguir coidando a quen coida de nós. A sanidade e os servizos sociais non deben ser un negocio. Temos que defendelos. E un pequeno recordatorio: ide votar o 12 de xullo, con todas as precaucións, pero cando votedes, acordádevos delas e deles. Por respecto, por dignidade. A sanidade pública non se vende, se defende.









domingo, 21 de xuño de 2020

Admitida a trámite denuncia en Europa das Enfermeiras Eventuais en Loita - Entrevista con Ana Miranda e Silvana Muñoz



Esta semana coñecíamos que o Parlamento Europeo aceptaba a trámite unha denuncia do colectivo de Enfermeiras Eventuais en Loita (grazas a xestión de Ana Miranda (BNG Europa).
Nun momento no que a pandemia deixa ao descuberto as evidentes carencias das políticas da Xunta, esta nova é ainda máis importante. Falei con Silvana Muñoz, e Ana Miranda sobre o tema. Escoitade e compartide


sábado, 13 de xuño de 2020

A precariedade na Sanidade Pública Galega - Listas de contratación - Sanitarios Parados Obligados #Sergas #Xunta #Saúde

Un pracer falar con Angel e Begoña de Sanitarios Parados Obligados que me explicaron a razón das súas protestas estes días. A mala xestión das listas de contratación e o agravio comparativo entre tipos de contratos é algo que require estudo, atención e solución urxente.

Se queremos ter unha Sanidade Pública de calidade, a situación laboral do persoal contratado debe mellorar canto antes.

venres, 12 de xuño de 2020

Galicia vota o 12 de xullo - Entrevista con Antón Gómez Reino (Galicia en Común) #12X #ElecciónsGalicia

O 12 de xullo temos unha cita nas urnas. As enquisas publicadas ata o de agora vaticinan que non hai alternativa, pero quen decide aos deputados somos nós co noso voto. Hoxe puiden falar con Antón Gómez-Reino, candidato de Galicia en Común. Aquí vos deixo a entrevista coas propostas e prioridades da súa candidatura.

mércores, 27 de maio de 2020

Desescalada, saúde mental despois do confinamento e como axudarse a xestionar as emocións

Eleccións do 12 de xullo de 2020 - Entrevista con Olaia Rodil do BNG

Galicia vota o 12 de xullo, nunha situación moi anormal e cunha campaña moi mermada e desigual para as forzas da oposición. É por iso que estarei encantada de presentarvos esta roda de entrevistas para que coñezades de primeira man as propostas da oposición.

Neste caso tiven o pracer de entrevistar a Olaia Rodil, cabeza de lista do BNG por Lugo. Escoitade e compartide. Grazas

luns, 25 de maio de 2020

Interview with Jane and Eric - Lockdown in Dodro (Galicia) #Covid19 #VisitingGalicia #Scotland


We are now in phase 2! Great to meet up with Jane and Eric.
 
Jane and Eck had to stay in Galicia when the #Covid_19 crisis and the State of emergency started in Spain.
How was it for them?


mércores, 20 de maio de 2020

Preparan accións xudiciais contra Domus Vi e outras - Entrevista con Xoan Antón Pérez-Lema #Covid19 #Residencias #Xustiza

Hoxe falei con Xoán Antón Pérez-Lema, avogado e asesor xurídico, quen ven de anunciar que se preparan accións xudiciais contra as residencias Domus Vi. Aqueles que queiran información sobre este tema podedes dirixirvos a :
colectivaresidencias@gmail.com


sábado, 16 de maio de 2020

Feijóo o temerario e as eleccións á polaca

Di o Sr. Feijóo que está orgulloso de que Galicia vaia ser a primeira en decidir votar en medio dunha pandemia e sen garantías sanitarias nin democráticas; cunha campaña electoral que só lle beneficia a el (non é por casualidade  que leva xa dous meses de presenza diaria na TVG culpando ao goberno central de competencias que lle corresponden).

Polonia tivo que suspender precisamente unhas moi polémicas eleccións que ían ter lugar hai unhas semanas. A presión internacional e dos cidadáns polacos en toda Europa enfrentáronse a un goberno de corte conservador dictatorial que si o observamos detidamente, ten moitas similitudes co comportamento dos líderes de VOX e o Partido Popular en todas as autonomías do estado. E non, Feijóo non é diferente. 

Feijóo di que Galicia vai ser a primeira. Será porque Urkullu tamén se anima e marca unha vez máis a axenda. Claro que o Goberno do País Vasco ten moito do que presumir e moito peso no Estado. 

Pero e Galicia? 
Non, Galicia non 

Galicia non vai ser a primeira en facer nada agás envellecer a pasos acelerados porque non ten políticas adecuadas. Nin vai ser a primeira en recuperar texido industrial porque as políticas do Sr. Feijóo resultaron ser tan só un titular na Voz y en El Correo Gallego. 

Galicia non vai ser a primeira en defender súas competencias ou esixir o traspaso das pendentes; de feito,  o Sr. Feijóo pasou os seus 11 anos de goberno sen solicitar unha soa competencia e permitindo que o Goberno central do Partido Popular incumprira o propio Estatuto de Autonomía vulnerando os dereitos do pobo galego que di representar. Agora con Goberno doutra cor, saelle o bravú e pretende facer o que non fixo nunha década. 

Galicia non vai ser a primeira en ter bós investigadores porque emigraron todos e os temos esparcidos polo mundo adiante (logo a Voz nos deleitará coa "conexión galega" dos grandes descubrimentos). 
Galicia non vai ser a primeira autonomía que defenda os proxectos medioambientais e que pense no rural. Non hai máis que ver o estado de abandono do agro en Galicia, o prezo do leite, as tractoradas e proxectos coma a Mina de Touro-O Pino.

Galicia non vai ser a primeira potencia pesqueira e marisqueira. Que lle pregunten aos traballadores e traballadoras do mar que cando chegaron a Europa viron como o marisqueo estaba desaparecido das estatísticas oficiais, e só coa denuncia continua en Bruxelas das propias mariscadoras se puido avanzar un pouco.

Galicia non vai ser a primeira no ranking en prazas de centros sociais e residencias de maiores públicas porque o Sr. Feijóo deu carta branca e privatizou casi todas as prazas dispoñibles (eso sí, pagadas con cartos públicos).

Galicia non vai ser a primeira en facer os test ao persoal sanitario. Galicia non vai ser a primeira en número de camas de hospitais públicos. Galicia non vai ser a primeira en aprobar axudas aos autónomos, nin a primeira en anunciar axudas; Feijóo acaba de facelo á desesperada e cando non lle quedou máis remedio, porque ten que sacar peito para a campaña electoral.

Galicia non vai ser a primeira en xestionar os expedientes dos ERTES, por iso hai miles de galegos e galegas que levan casi dous meses sen recibir un salario... e así poderíamos seguir ata a saciedade. 

Galicia, co Sr. Feijóo, segue a ser a última en casi todo. Merecemos un Goberno do que SI poidamos dicir que puxo a Galicia primeiro que nada. E ese non vai ser un Goberno con Feijóo á cabeza. 

venres, 15 de maio de 2020

Viaxar en avión e a pandemia - Información moi interesante

Un dos meus programas favoritos e EN JAKE (na TVG, que hoxe precisamente cumpre 1000 programas)
Onte unha das entrevistas chamou a miña atención pola cantidade de información sobre a pandemia e a seguridade aérea de cara ao verán. Dende o SEPLA explican isto:




xoves, 14 de maio de 2020

Letras Galegas 2020 - Queremos Galego - Entrevista con Marcos Maceira, Presidente da Mesa pola Normalización Lingüística

O vindeiro 17 de maio, día das Letras Galegas, vai ter unha celebración moi particular. 
Falei con Marcos Maceira, Presidente da Mesa pola Normalización Lingüística e portavoz da plataforma Queremos Galego para analizar como está a situación da nosa Lingua e os retos que enfrontamos.  
Convidarvos a visitar a plataforma Queremos Galego e seguir a convocatoria para celebrarmos este domingo o Día das Letras Galegas dende as nosas xanelas. 

Javier Quián (Asociación de Familiares Residencia #Domusvi San Lázaro: " Ten que...

martes, 12 de maio de 2020

A cobertura informativa da #COVID19 en Galicia - Entrevista con David Lombao de Praza Pública #Prensa #Información #Galicia

A cobertura informativa de Praza Pública é sen discusión do mellor que temos en Galicia a nivel xornalístico. Foi un pracer falar con David Lombao e analizar como se está a informar dende este xornal sobre a COVID19 .
Animarvos a escoitar a entrevista e a compartila e tamén, por suposto, a facervos socios e socias de PRAZA PÚBLICA se queredes estar ben informadxs sobre o que acontece en Galicia. 




       AUDIO

domingo, 10 de maio de 2020

O meu comentario : Test, prensa, desescalada, falta de transparencia e eleccións autonómicas

A #COVID19, os test da Xunta e a Atención Primaria - Entrevista con Xosé Mª Dios Diz

É fiable o estudo de prevalencia da COVID19 que Feijóo anunciou a bombo e prato? Son fiables os resultados? Que diferenza hai entre o estudo anunciado polo Ministro Salvador Illa e o anunciado por Núñez Feijóo?
Por que o persoal sanitario non está a ser testado para evitar contaxios? Como están a vivir en Atención Primaria a desescalada? Que recomendacións nos dan?
Unha vez máis falamos con Xosé Mª Dios Diz para analizar todas estas preguntas. Agradecerlle a súa disposición e a súa información


xoves, 7 de maio de 2020

O estado do sector pesqueiro galego - Entrevista con Torcuato Teixeira Viloria #PescaGalicia #Mar #COVID19 #Brexit #EU

Entrevistamos nesta ocasión a Torcuato Teixeira Viloria, Secretario Xeral da OPP 31 de PescaGalicia, Vicepresidente da lonxa da Coruña e especialista en economía pesqueira pola USC. Con el analizamos a situación do sector pesqueiro ante a  COVID19 e o Brexit. 


domingo, 3 de maio de 2020

Feijóo cancela por terceira vez a xunta cos partidos da oposición #Democracia vs #Autocracia


Feijóo, máis de 23 comparecencias na TVG, 1 no Parlamento. Ven de cancelar de novo a xunta apalabrada cos portavoces da oposición. Non actúa como un Presidente democrático, actúa como nunha autocracia. Non lle preocupan os dereitos fundamentais.

sábado, 2 de maio de 2020

Easing of the lockdown in Compostela // Relaxando o confinamento #COVID19 #Galicia #Compostela #Saúde

We wanted to share with you our first walk after 48 days of lockdown. Now the more difficult stage starts... please follow the rules and the indications of the Health authorities

Quixemos compartir con vós o noso primeiro paseo despois de 48 días de confinamento. Recordade que agora empeza o máis difícil e temos que extremar as precaucións e seguir as indicacións das autoridades sanitarias.



VIDEO EN GALEGO
↓↓↓


xoves, 30 de abril de 2020

A pandemia do COVID19 - Entrevista con Antón Sánchez (ANOVA) #Galiza #Política #Saúde #Eleccions

Seguindo coas entrevistas coas forzas políticas galegas, falei hoxe con Antón Sánchez, Portavoz Nacional de ANOVA e Viceportavoz do Grupo Común de Esquerda no Parlamento de Galicia.





#covid19 What is going on in Poland? Interview with Natalia Witczyk // Que sucede en Polonia? Entrevista con Natalia Witczyk #PoloniaNIEmawyboru

The Government of Poland has called for elections to take place on the 10th of May, in the middle of a global pandemic. Polish citizens all over the world are organising an online protest. I spoke to Natalia Witczyk who told me all about it







O Goberno de Polonia convoca unhas eleccións o 10 de maio en medio dunha pandemia global. Cidadáns polacos en todo o mundo veñen de organizar unha protesta. Falei con Natalia Witczyk quen me deu toda a información.

El Gobierno de Polonia ha convocado unas elecciones para el 10 de mayo en medio de una pandemia global. Ciudadanos polacos en todo el mundo se están organizando para protestar online. Hablé con Natalia Witczyk para conocer todos los detalles. 

sábado, 25 de abril de 2020

A pandemia do COVID19 no sector pesqueiro - Entrevista con Eduardo Carreño #OCerco #Portosin #Galicia


A pandemia do COVID afectou enormemente ao sector pesqueiro. Falamos co patrón do barco cerqueiro Ardorán, con base en Portosín, quen nos contou como están a vivir esta situación tan excepcional no mar, as medidas de seguridade que se están aplicando noutras autonomías e a deixadez do goberno galego en materia de protección laboral no mar.
Por certo, por favor, consumide peixe fresco!!!






venres, 24 de abril de 2020

A crise do COVID19 na Galiza - Entrevista con Ana Pontón (Portavoz Nacional do BNG) #Covid19 #saúde #Política #BNG #Economía #DefendeAgalega

Falamos hoxe coa Portavoz Nacional do Bloque Nacionalista Galego para analizar a situación en Galiza durante a crise do COVID19 e as iniciativas que o BNG está presentando dende o inicio da crise.

Moitas grazas a Ana Pontón polo seu tempo a as súas achegas



AUDIO


xoves, 23 de abril de 2020

O #Covid19 e os Servizos de Atención Primaria do #Sergas - Entrevista con Xosé Mª Dios Diz

Son moitas as noticias que temos sobre as intencións do Goberno de Núñez Feijóo anunciando fortalecer os servizos de Atención primaria do Sergas e ese macro estudo sobre afectación do coronavirus na poboación. Con Xosé María Dios Diz analizamos a real situación do persoal sanitario e si é preciso tal cantidade. Non perdades detalle e compartide o video.




AUDIO

Día do Libro en confinamento - Entrevista con Antón Pedreira da Libraría Pedreira de Compostela #Libros #Cultura #DiadoLibro #Galicia


Hoxe, Día do Libro, queríamos saber como están a vivir no sector das librarías este tempo de confinamento e incertidume.

Falamos con Antón Pedreira, da Libraría Pedreira de Compostela. Con el analizamos a situación e lle preguntamos polas medidas a tomar dende as institucións. 
Por suposto, recomendar que visitedes a súa páxina de FB e a súa web! 

AUDIO
↓↓↓


martes, 21 de abril de 2020

The #COVID19 crisis view from Ireland - Interview with Fintan Dunne #MSM #Sweden #Economy #Society

Today we travel to Ireland to speak with Fintan Dunne of Breakfornews.com 
We analyse the different approach of Sweden to the Covid-19 crisis, the role of the MSM and the lessons to be learnt. Hope you like it 



AUDIO

luns, 20 de abril de 2020

The #covid19 crisis in Scotland & the UK - Interview with Dr Philippa Whitford (SNP MP for Central Ayrshire) #Health #Scotland #UK #Pandemic


Delighted to share this interview with Dr. Philippa Whitford, SNP MP for Central Ayrshire. I spoke to her about the COVID-19 crisis and how Scotland and the UK are coping with the pandemic. 



AUDIO


sábado, 18 de abril de 2020

Entrevista con Tania Álvarez do Movemento de Enfermeiras Eventuais en Loita #Sergas #DereitosLaborais #Saúde #COVID19

O Movemento de Enfermeiras Eventuais en Loita leva un ano revindicando e esixindo que o Sergas solucione a escandalosa precariedade laboral que padecen. 
Agora, coa gravidade da pandemia do COVID19, a sociedade parece ser máis consciente das repercusións que teñen anos de políticas de recortes e privatizacións da sanidade pública. 
A pregunta é si seremos capaces de cambiar de vez estas políticas e fortalecer servizos vitais e esenciais para a poboación. De todo isto falei con Tania Álvarez. 


mércores, 15 de abril de 2020

Asociación de Familiares da Residencia San Lázaro (DomusVi) - Entrevista con Javier Quián #COVID19

Dende a Asociación de familiares da Residencia de Sán Lázaro de Compostela non teñen máis que palabras de agarimo e recoñecemento para as traballadoras do centro. Non tanto así como para os xestores e a Xunta, a quen esixen máis información e solucións.
Os partidos da oposición esixen a creación dunha comisión de investigación parlamentaria unha vez todo isto remate.