luns, 29 de maio de 2017

To legitimise or not to legitimise.... That's the question for Scottish Labour #GE17 #SNP #ScotParl #democracy

O laborismo continúa a súa catastrófica dinámica de mensaxes confusos en Escocia.
Onte a lider escocesa, Kezia Dugdale nunha desastrosa entrevista para a BBC negábase a recoñecer a lexitimidade do mandato gañado nas eleccións polo SNP, e de igual xeito a lexitimidade das medidas aprobadas por maioría absoluta polo Parlamento escocés. Gravísimo desprezo á democracia que non pasou desapercibido polo entrevistador da BBC.
De igual xeito a lider Tory Ruth Davidson, moito mais agresiva, seguía a mesma liña de actuación e a mesma mensaxe.
Jeremy Corbyn, onte en Escocia, cometeu o mesmo erro que Miliband en 2015, criticando ao SNP e negando a posibilidade dunha coalición en Westminster. E mesmo criticou as políticas do Scottish National Party cando moitas das propostas do seu programa electoral levan anos sendo aplicadas en Escocia polos nacionalistas.
Moitos lle recordaron nas redes que o Scottish Labour está a formar coalicións nalgúns concellos cos Conservadores, e mesmo piden voto táctico co fin de inflixir ao SNP unha grande derrota nas vindeiras eleccións do 8 de xuño.
Pero hoxe Jeremy Corbyn volveu a sementar o caos na súa mensaxe para Escocia, desdecindo a lider do seu partido en terras do norte,  nunhas declaracións nas que SI recoñece e é coidadoso coa lexitimidade do Parlamento escocés. O espectáculo continúa...


Afortunadamente, a lider do SNP e Primeira Ministra de Escocia, ten claridade no que propón e no que quere para Escocia e o expresa moi claro en cada entrevista e debate ao que asiste.


Ningún comentario:

Publicar un comentario