venres, 26 de marzo de 2021

Alex Salmond retorna a política cunha nova formación e coas vistas postas na independencia #Escocia #SuperYesMajority #Holyrood2021

Había rumores, sospeitas, pero ninguén sabía a ciencia certa que era o que se traía entre mans Alex Salmond. 

Os últimos acontecementos e o cruce de acusacións das dúas comisións de investigación sobre o expediente contra a súa persoa remataron cunha comunicación na que o ex primeiro ministro escocés anunciaba accións legais contra a Secretaria Permanente do Goberno escocés e tamén a denuncia formal na Police Scotland para que se investigue a filtración ao Daily Record (aparentemente feita por algún traballador do Goberno escocés). Non fará máis declaracións sobre este tema; agora deixará ao curso da xustiza e a policía facer o seu traballo.

O seu comunicado era, tal e como así o indicaba no último parágrafo, punto e aparte para centrarse no importante: o futuro de Escocia. 

Hoxe , na presentación dunha nova formación "ALBA PARTY" e en declaración oficial para a prensa, presentou aos catro primeiros candidatos e en días vindeiros, se presentarán máis, ao calor da asamblea que terán en breve e onde explicarán con todo luxo de detalles  o seu plan para a reactivación económica de Escocia despois da pandemia e por suposto, a súa visión de como o seu país pode acadar a independencia. 

Nunhas eleccións onde o SNP parte como organización maioritaria de cara as eleccións de maio ao Parlamento de Holyrood, e con outras novas organizacións independentistas como ISP ou AFI, vai ser moi interesante a repercusión que teña a partires de agora a presenza dun peso pesado que sempre se reinventa a si mesmo e que sorprende a propios e extranos. 

A súa pelexa non é contra o SNP, o seu obxectivo non é dividir o voto independentista senón acadar unha SUPERMAIORÍA nas eleccíons de maio para reforzar as decisións cara a independencia, presentando candidatos ás listas e non ás circunscripcións onde é previsible gañe o SNP.

Neste blog comparto con vós o material presentado hoxe polo propio Alex Salmond. 

O impacto que pode ter este anuncio na sociedade escocesa e mesmo na europea vai ser grande e provoca moitas incógnitas que se irán respondendo ao longo da campaña e cando se coñeza se o obxectivo final puido ou non ser acadado. 




 




Ningún comentario:

Publicar un comentario