venres, 21 de outubro de 2016

Theresa May non ten mandato para evitar #indyref2 // Theresa May has no mandate to stop #indyref2 #DraftBill #ScotGov #Brexit


Nicola Sturgeon anunciouno en varias ocasións. Primeiro durante a presentación do seu programa electoral para as eleccións de marzo, posteriormente no seu programa de Goberno para 2016-2017:

"Cremos que o Parlamento escocés debería ter o dereito de convocar outro referendo de independencia de haber unha clara e sostida evidencia de que a independencia se convertiu na opción preferida para a maioría dos escoceses - ou se hai un cambio significante e material das circunstancias que prevaleceron en 2014, como que Escocia sexa levada fora da UE en contra da súa vontade"
Ainda que Theresa May di que Sturgeon non pode convocar outro referendo, este parágrafo demostra o contrario e está a ser repetido ata a saciedade pola Primeira Ministra e os deputados escoceses, por expertos legais, e ata polo xornal unionista Daily Record, é o que lle concede sen dúbida a postestade e o mandado a Nicola Sturgeon e ao seu goberno para presentar (para consulta) este Borrador de Proxecto de Lei para a celebración dun segundo referendo de independencia.


Significa iso que Escocia vai celebrar con seguridade un segundo referendo (#indyref2)? Non, moitos ven esta posibilidade lonxe e improbable si a Premier Theresa May accede ás peticións de Escocia, negociando a súa permanencia no mercado único, dándolle un status especial en materia de inmigración, ou respectando as competencias prometidas durante 2014, que ainda están sen aprobar en Westminster e sen transferir,  e que corren serio risco tras a votación do Brexit.

Tamén é de ter en conta que o SNP puxo en marcha hai uns meses unha macro enquisa para coñecer de primeira man a valoración de ao menos un millón de escoceses; é de supoñer que o resultado da mesma será tido en conta á hora de decidir si se realiza ou non o #indyref2,

Este borrador, será exposto para consultas, e aberto a consideracións e enmendas que se recollerán ata o 11 de xaneiro de 2017. Dependerá dos pasos que dea Theresa May a partir de marzo de 2017, data na que ten pensado activar o art. 50 para o Brexit, e das condicións nas negociacións internas en Reino Unido, de que Escocia decida si fai unha realidade o que moitos entenden como un ultimatum.

Pero si o Goberno escocés chega á conclusión de que un referendo é o único xeito de defender os intereses da súa Nación, este borrador, moi semellante en condicións ao aprobado para o referendo de 2014, deberá ser levado ao Parlamento escocés para debate e posterior aprobación por maioría absoluta (os votos do SNP e dos Verdes serían mais que suficientes), e realizaríase antes de marzo de 2019, data na que Reino Unido estaría xa oficialmente fora da UE.

Por certo que os Verdes, na voz de Patrick Harvie deixou xa clara a súa postura, dando a benvida a este borrador e alertando a Westminster que non pode vetar a celebración dunha segunda consulta.



Publicado por en

Ningún comentario:

Publicar un comentario

Subscribirse a: Publicar comentarios (Atom)