mércores, 19 de abril de 2017

Nicola Sturgeon: "pretendemos gañar estas eleccións en e para Escocia" // Nicola Sturgeon: “We intend to win this election in Scotland & for Scotland.” #GE17

Dende onte que Theresa May anunciou as eleccións anticipadas, as reaccións en Escocia non se fixeron esperar. Hoxe, a Primeira Ministra e lider do Scottish National Party fixo unhas declaracións oficiais en Westminster rodeada dos deputados escoceses, coa firme convinción de repetir, e mellorar se é posible os resultados das eleccións de 2015.

Sturgeon presentou ao SNP coma a única oposición real aos Tories (polo menos en Escocia así é) e asegurou que o seu partido loitaría contra os recortes e as medidas de austeridade que os Tories están aplicando e que se incrementarían no caso dun Brexit duro (opción preferida de Theresa May).

Sen dúbida, se o SNP gaña as eleccións do 8 de xuño en Escocia, Nicola Sturgeon verá reforzado o seu mandato lexítimo para a celebración dun segundo referendo de independencia antes da saída de Reino Unido da UE, cousa ata o momento negada por Theresa May.

Nicola Sturgeon amosouse aberta a buscar unha alianza de forzas progresistas ao igual que en 2015, cando Miliband cometeu a torpeza de negarse a facer coalición cos nacionalistas escoceses. Moitos analistas sinalaron a esta negativa coma o erro maior que puido cometer o xa ex-lider laborista.

O oportunismo de Theresa May, que utilizou o "agora non é o momento" para rexeitar a petición escocesa dun segundo referendo, queda agora ao descuberto con esta chamada temprana de eleccións cando por activa e por pasiva declarou que non habería eleccións en Reino Unido ata o 2020.
Nicola Sturgeon dixo:

"Si o SNP gaña estas eleccións en Escocia e os conservadores non o fan, entón calquer tentativa de  Theresa May de bloquear o noso mandato para dar ao pobo de Escocia unha opción sobre o seu propio futuro cando chegue o momento, desmoronaráse" 

Full video (thanks to Peter Curran @moridura as usual)
Video completo grazas a Peter Curran:




E namentras, continúa a evidente manipulación e bloqueo informativo dende a BBC a calquera noticia que fale da Primeira Ministra Nicola Sturgeon, de Escocia ou do SNP. Vergoñento.

 Por último, Theresa May ratificou que que non participará en debates electorais televisados, levantando de novo, ao igual que fixo o seu antecesor Cameron, polémica pola súa cobardía e falta de transparecencia. Algo deben ter en común os conservadores españoles e os tories na súa estratexia. 







Ningún comentario:

Publicar un comentario