mércores, 21 de xaneiro de 2015

Daqueles polvos... estes lodos #GE2015 #UK #Scotland #IrakWar #Trident

Moitas cousas están a suceder estes dias, algunhas delas escandalosas non por menos esperadas. Para non recurrir ao tan famoso karma, lembraremos aquilo de "daqueles polvos... estes lodos"

Logo de que a CIA publicase o seu informe sobre as torturas e accións duranet a ilegal guerra de Irak, moitos esperaban ansiosos que Reino Unido fixera o mesmo e o informe Chilcot vira a luz. Mais o dito informe sobre a Guerra de Irak,que xa levaba 3 anos de retraso na súa publicación, terá que esperar ainda a ser publicado despois das Eleccións Xerais...



Por outra banda, o responsable da Tesourería británica, Osborne, continua realizando declaracións que cando menos contradín as recomendacións feitas pola Smith Commission


E tamén da tesourería británica nos chegan as declaracións impudorosas dun veterano funcionario e asesor que volveu a abrir a caixa de Pandora sobre o xogo suxo utilizado durante a campaña de independencia de Escocia.

Neste caso, dito funcionario xustificou  a suspensión das leis (e a ética) que rixen a economía durante este período, porque "a xente estaba destruindo a fábrica do Estado" e a  "integridade territorial" estaba en perigo... vamos, que o todo vale foi o seu lema.




Tamén tivo lugar en Westminster o debate sobre a renovación dos submarinos nucleares en Clyde (Escocia), a proposta do SNP e do Plaid Cymru . O interés e a asistencia durante o debate foi moi aclaradora do interés que tiñan na Cámara dos Comúns por este debate:



Parece que non só nas nosas Cámaras temos estes desoladores panoramas de irresponsabilidade política
O resultado da votación foi de 364 a favor da renovación contra 35 que rechazaban tal gasto de 100 billóns de libras anuais en armamento nuclear.


O incansable Peter Curran (@moridura), que fai un traballazo impresionante grabando e compartindo todo aquelo que é de interés, plasmou os momentos mais interesantes do debate no seu blog. 

http://moridura.blogspot.co.uk/2015/01/the-trident-renewal-debate-20th-jan-2015.html


As Eleccións Xerais en Reino Unido son o 7 de maio, e nos debates televisivos as tres mulleres lideres do SNP, Plaid Cymru e Green teñen vetada a súa presencia, ainda que o Partido Verde é xa a 5ª forza política británica e o SNP achégase a 93.000 membros nas súas filas. Parece que por unha banda, as canles británicas non gostan de mulleres nos seus debates, e por outra banda, danlle desculpas a Cameron para evitar a sua participación... (parece ser que lle ten bastante pánico...contas as malas linguas).

Menos mal que existe o The National!




Ningún comentario:

Publicar un comentario