xoves, 8 de xaneiro de 2015

The Courier: entrevista en exclusiva con Alex Salmond #indyref #analysis #SNP #GE15

The Courier publica hoxe a primeira entrevista a fondo de Alex Salmond, na que fai unha serie de valoracións sobre a campaña e o resultado do referendo. tamén fala dos seus obxectivos a partires de agora ata o 7 de maio, data das vindeiras eleccións xerais en Reino Unido. 

 




"A guerra de Salmond só comenzou" reza o titular da entrevista. Convencido de que Escocia atopou a fórmula para conseguir finalmente a independencia mais cedo que tarde, ainda que rexeitou a posibilidade de realizar outro referendo en breve espazo de tempo.
"Outro referendo é un asunto para o futuro" - asegura

 Aspira, agora, a conseguir o chamado "Home Rule", que é un paso mais de forte autogoberno para
Escocia:

Para Alex Salmond, que non lamenta a súa dimisión como First Minister,  a presenza a última hora á desesperada do ex-Primer Ministro británico Gordon Brown, foi decisiva para que os unionistas gañasen o referendo. Salmond recoñece que non se anticipou a esta situación e que Gordon Brown (que estivo ausente durante os dous anos que durou a campaña), apareceu no último momento e noqueou ao Yes Scotland dende fora do ring. 

Gordon Brown e a ratificación do Vow,  ou  promesas de quasi federalismo realizadas insistentemente e coa total cobertura e complicidade da BBC e do Daily Record, foi a estratexia deseñada para mover un 10% do electorado escocés cara o non, coma así aconteceu. 
 
"Home Rule é control de todos os asuntos domésticos e taxas. Os asuntos exteriores e Defensa serían materias reservadas para Westminster" - di Salmond na entrevista, asegurando que hai un apoio masivo dende Escocia para lograr isto; e engade que non quere ver as relacións de Escocia coa UE cortadas nin permitir que se desperdicien 100 billóns de libras anuais en Trident (submarinos nucleares asentados en Escocia). 

Os ollos de Salmond apuntan ao Sul e di estar feliz de non ter que exercer liderazgo en Westminster; hai semanas que anunciou a súa candidatura a MP (deputado en Westminster) na circunscripción electoral de Gordon, asentamento tradicional Liberal Demócrata; e os partidos unionistas xa están en marcha para tentar evitar a súa victoria. Conseguirá a xa chamada  "alianza unionista" evitar que Salmond pise de novo Westminster? Pronto saldremos de dúbidas. 






Ningún comentario:

Publicar un comentario