martes, 10 de novembro de 2015

As novas competencias para Escocia: o engano consumado #ScotlandBill #TheVow



Hoxe, a prensa española anuncia que Londres concede mais autonomía a Escocia e o vende como un cumprimento das promesas feitas (á desesperada) durante os últimos días da campaña do referendo en 2014, o tan cacareado #Vow.

Pero non, Londres non da nin a milimésima parte das competencias prometidas a Escocia. Os debates sobre o Proxecto de Lei (Scotland Bill) foron escandalosos, onde tan só 10 deputados Tory e outros 10 Laboristas asistiron ás "tan importantes" sesións na Cámara dos Comúns; e onde nin unha soa das emendas presentadas polo SNP, partido que representa ao 95% da poboación escocesa, foi aceptada .

Os laboristas británicos abstivéronse ou votaron en contra de competencias que o Partido Laborista Escocés asegurou estes días que defendería, entrando noutra contradición mais... a indignación e as denuncia de hipocresía se suceden.

Múltiples ofensas dende a bancada conservadora repetíronse durante cada unha das 3 sesións; o  debate  de onte, rematou cunha moi comentada e criticada faltada do Speaker da Cámara dos Comúns,  que interrumpiu pola mitade a intervención de Angus Robertson, portavoz do SNP. O mesmo Robertson denunciou duramente a  "Scotland Bill" decindo que non era mais que unha parodia vergonzosa e unha farsa.
O proxecto de Lei para Escocia queda agora en mans da Cámara dos Lores (onde o Partido Nacional Escocés non ten representación ao ser unha Cámara non electa democráticamente), para a súa revisión e aprobación. Veremos entón, que pasos se dan dende Escocia a partires de agora, e especialmente, a partires de maio de 2016, cando se celebrarán as eleccións ao Parlamento escocés




http://www.lavozdegalicia.es/noticia/internacional/2015/11/10/londres-da-autonomia-escocia/0003_201511G10P23992.htm

http://www.heraldo.es/noticias/heraldo_premium/mundo/2015/11/10/escocia_tendra_una_mayor_autonomia_por_ley_618097_2091030.html

http://www.larioja.com/internacional/201511/10/escocia-decidira-politica-social-20151110002243-v.html 







Ningún comentario:

Publicar un comentario