O debate que tivo lugar no
Parlamento escocés o pasado 28 de novembro durante as preguntas ao Primeiro Ministro, non ten prezo e merece unha mención especial.
Foi moi curiosa a insistencia e belixerancia da oposición
(Tory-Labour-LibDem) sobre as escabrosas declaración de Rajoy e o posible veto español a pertenza de Escocia a
Unión Europea.
Para quen non lembre, ou non teña
coñecemento, vos direi que as máquinas do Better Together se puxeron en
funcionamento haberá agora mais dun ano
con encontros entre o PP e os Tory primeiro en Manchester (Félix Pons e
compañía, en sepulcral silencio ata que a noticia se filtrou á El Periódico) repetindo un ano mais tarde coa Sra. Camacho
(PP) reunindose con Ruth Davidson (Tory), e finalmente dos Laboristas e membros
do PSOE mais tarde. A premisa era traballar xuntos contra o independentismo e
trabar, fose coma fose, os avances do YES, xa
que Escocia podería ser un exemplo mais que inspirador para outros moitos proxectos
independentistas no resto de Europa, e mais en concreto en España co problema
Catalán e Vasco.
Para iso, fundamentarían o seu
discurso en varios puntos, que os distintos sectores que engloban o YES SCOTLAND están a neutralizar con tesón e sentido común. Aquí tendes algún dos
argumentos unionistas:
1º) Non hai información suficiente, os cidadáns non
están ben informados e non saben qué están votando cando voten un SI. (Argumento
este repetido ata a saciedade).
(Neste punto haberia que recordar a quen esgrime este argumento, que cada un, a título individual, ten nas súas mans a responsabilidade de buscar información sobre algo que é do teu interés e actuar en consecuencia)
2º) Unha Escocia independente
quedaría fora da UE.
(As políticas de integración da propia Unión Europea e o seu discurso, xuntos mais fortes, non teñen base nen fundamento para unha negación á que Escocia sexa membro de pleno dereito. Estamos a ver nestes días, os mega esforzos que están a facer para que Ucrania se integre na UE)
3º) Unha Escocia independente tería que ter como moeda o euro se quere
estar na UE ou non poderia utilizar a libra esterlina (en qué quedamos, pode ou
non pode estar na UE?)...
E digo eu, sendo un país independente, quén impediría a Escocia ter a súa propia moeda?
4º) A economía escocesa sufriría
un golpe terrible ao deixar de formar parte de UK, xa que a débeda se
multiplicaría. Basear a economía no petróleo do Mar do Norte, é unha loucura.
(é
por iso que Westminster ten ameazado con facer outro referendo nas illas do mar
do Norte para decidir se queren ser parte de UK ou de Escocia, ou que vai
nacionalizar as plataformas petrolíferas do territorio escocés.... é unha loucura,
claro...)
Hai outros moitos argumentos do Project Fear-Proyecto Miedo, tan faltos de fundamento como os que acabo de expoñer, pero para que teñades unha idea, creo que chegan ben.
Penso que non é casual que xusto cando o Goberno de Escocia
presenta o Libro Branco que marca a folla de ruta cara a independencia, xusto cando aparece un argumentario sólido e ben fundamentado que remata coas dúbidas que
os cidadáns escoceses poderían ter, aparezan as declaracións de Almunia primeiro (PSOE,
pedindo o voto negativo) e Rajoy despois, e insinuando que Escocia tería que pedir a
entrada a unión europea sendo unha “rexión” nova... e que os escoceses deberían
estar ben informados de isto.
Está claro que o “Proyecto Miedo”
e o “Project Fear” están a seguir un guión ben preparado para trabar os avances
do voto YES en Escocia e de paso, e como intercambio: evitar que o casos
catalán ou o vasco se lles desmanden e a saber qué promesas de beneficios económicos futuros...
O que está claro é que cando mais
gritan e protestan, é que mais nerviosos e mais inseguros están, xa que saben, e
o saben moi ben aínda que a prensa unionista e eles mesmos insistan en que non
é así, que as sondaxes marcan un claro ascenso do SI á independencia.
Habería que preguntarse qué vai
pasar en caso de que Escocia consiga a Independencia. Porque en primeira
instancia temos que lembrar que o PP terá que convocar eleccións mais ou menos
no 2015. Quén estará no Goberno entón? Rajoy? Chamádeme ilusa, mais eu non o creo.
Sexa PP-PSOE-UPD ou quen sexa que
estea no Goberno español despois do 18 de setembro de 2014 e se Escocia gana a
independencia no referendo, realmente sería o Goberno español tan imbécil e irresponsable coma
para pór en perigo as múltiples empresas española que hoxe teñen negocios en
terras escocesas (Iberdrola, por exemplo)? sería tan imbécil e irresponsable como para vetar a
entrada a Escocia na UE e poñer en perigo miles de licencias de pesca en augas
territoriais escocesas ou posibles postos de traballo nos astaleiros ou nas plataformas de petroleo escocesas?
Escocia, NACION (que quede ben claro), ten total
dereito a pertencer a UE, de feito xa pertence a UE, ten dereito a ter a moeda que
queiran os escoceses, e ten dereito a pór as condicións que os escoceses consideren oportunas
a aquelas empresas españolas que queiran facer negocio no seu territorio.
O
verdadeiro problema é que Escocia opta por unha Europa cunhas políticas non de austeridade
senón de dereitos civís e sociais, Escocia opta por unhas políticas non
xenófobas, senón de integración, Escocia opta por unha sociedade mais igualitaria
dentro da UE, cousa que non pode decir Westminster, quen ten prometido un
referendo para decidir a saída ou non de UK da Unión Europea.
E isto, entre outras cousas, é o
que lles preocupa, que as condicións non as vai marcar Westminster, senón
Holyrood, e Escocia non vai a andar con tonterías porque será un país independente
que terá que falar por si mesmo e defenderse por si mesmo.
É por iso, que vamos ter que
prepararnos, e moito, xa que o (PP-PSOE-Tory-Labour-LibDem) Project Fear van
continuar co seu plan B cheo de xogo suxo e van seguir dando espectáculos como
o que onte tivo lugar no Parlamento escocés. Realmente lamentable.
Ningún comentario:
Publicar un comentario