Scotland's First Minister Nicola Sturgeon #Escocia #NicolaSturgeonFM

FM Nicola Sturgeon

Con 66 votos a favor dos 120 emitidos foi elexida Nicola Sturgeon como First Minister no Parlamento escocés. 

Para sorpresa de moit@s, a conservadora Ruth Davidson dixo querer tamén presentarse como candidata ainda segura da súa derrota para ofrecer "unha alternativa ás políticas do todo gratis do SNP", apostando claramente pola privatización e o elitismo. 

Ruth Davidson - Tory

 A candidata do Partido Conservador (Tory) conseguiu 15 votos. E posteriormente bromeou dicindo que non pediría un reconto nesta ocasión (facendo alusión a polémica na que estivo implicada polo reconto do referendo) .De 120 votos emitidos, houbo 39 abstencións maioritariamente dos membros laboristas.

 
Cada candidata dispuxo de 5 minutos para defender a súa candidatura, e presentar o seu programa de propostas. Sturgeon felicitou e agradeceu a candidatura doutra muller para o posto.

Unha vez coñecido o resultado, e logo de ser declarada First Minister pola Presidenta da Cámara Tricia Marwick, e logo de escoitar aos membros da oposición, Nicola deu o seu primeiro discurso no que prometeu gobernar para tod@s os escoceses e non só para os que queren a independencia, facendo a observación de que os que votaron non, estarán de acordo en querer o mellor para Escocia.

Patrick Harvie - Green Party

Tivo Nicola Sturgeon palabras de recoñecemento para os seus antecesores e en especial para Alex Salmond, xa sentado na Cámara como MSP; fixo fincapé na importancia histórica de ser a primeira muller que asume este cargo e a necesidade de que promover políticas que fomenten a igualdade de oportunidades e de xénero. 

Por último, fixo votos de protexer e fortalecer as políticas de igualdade social e rematou dicindo que pretendía conseguir entre todos, escribir novos versos na historia moderna de Escocia para unha vella canción. 

(Gracias a Peter Curran por este video - Thank you to Peter Curran for this video)

http://news.scotland.gov.uk/Speeches-Briefings/First-Minister-acceptance-speech-1277.aspx 

Cada xoves ten lugar no Parlamento escocés as Preguntas ao First Minister (#fmqs) que poden serguirse en vivo no seguinte link. 
http://www.scottishparliament.tv/