Falar de
Margo McDonald é falar deses heroes da historia escocesa e do inicio do camiño cara á independencia. Ela, ao igual que outros poucos, sementaron nos
escoceses a necesidade vital de teren confianza neles mesmos, de que a loita
pola autonomía e mais tarde pola independencia pagaba a pena.
Margo sementou o desexo dun mellor destino para o seu país, quería que ese movemento nunca deixara de medrar, tal e como lembrou no seu discurso durante o Rally pola Independencia, o 21 de setembro.
A primeira
vez que a escoitabas xa non podías esquecela, a súa oratoria, o seu sentido do
humor, tan especial, tan espectacular, e uns principios defendidos sempre cunha forza inigualable.
Margo levaba
anos ferida polo Párkinson, consciente da súa enfermidade e das súas
limitacións e realidade, foi activista incansable polo dereito a unha morte digna. No seu legado,
esta loita é unha das múltiples que levou a cabo durante toda a súa impecable
carreira política.
Margo acaba
de falecer facendo que en Escocia tod@s choren a súa irreparable perda, e se lamenten
de que marchase tan cedo, tan pretiño do Referendo e non poida ver logrado un
dos seus grandes soños dos que foi defensora fiel e incansable.
Dende o minuto
un da noticia do seu pasamento, unha mensaxe cabalga polas redes: fagámolo por
Margo, votemos YES ao seu soño, ao noso soño, votemos YES por unha Escocia
independente.
Descansa en
paz, Margo. Escocia sempre estará orgullosa de ti, coma ti deles.
(minuto 1:50)
Ningún comentario:
Publicar un comentario