David Cameron tería que ser o que estivera onte debatendo con Alex Salmond na STV , pero non estaba; Cameron rexeitou dende o principio e insistentemente a posibilidade dun debate e menos en vivo, coa desculpa de “non
querer interferir na decisión d@s escoceses”; e o Primeiro Ministro de Escocia aceptou que
Alistair Darling, voceiro do Better Together ocupara o lugar do covarde David
Cameron.
Claro que Cameron anda moi ocupado
traballando na sombra, xa sabedes, coordinando campañas no estranxeiro co
ministro da Foreign Office vía Embaixadas e Altos Comisionados, levando a
mensaxe do malísimo que sería para o mundo mundial que Escocia conseguirá a
independencia, e animando a líderes doutros partidos de dereitas a opinar
abertamente en contra dun futuro Estado escocés. De feito o PM británico andaba preto de Galiza, pois si, en terras de Portugal...
O peor do debate, foi definitivamente a
conexión da STV. Nin feito deliberadamente, milleiros de persoas non puideron
escoitar a primeira intervención de Alex Salmond. Nin feito deliberadamete , a
cada pouco tiñamos que esperar a que cargara de novo a imaxe para poder seguir
o debate…. . a indignación e o cabreo nas redes foi tan enorme e evidente que dende os estudios da STV tiveron que desculparse en varias ocasións. Moi pobre cobertura da STV que foi empeorando a cada conexión coa sala para falar cós comentaristas da noite,
claramente unionistas.
Teño que admitir que esperaba un
pouco mais de paixón por parte de Alex
Salmond, que entendo cometeu varios erros, o primeiro deles non atacar e
clarificar mais o tema do futuro da divisa, cando o ten feito sen dúbida moito
mellor en calquera das súas intervencións en Holyrood. O segundo foi darlle armas a Darling utilizando
unha das anécdotas dos argumentos de terror do Proxecto Medo: o ataque de
alieníxenas... estivo de mais, non gustou.
Penso que o Gabinete de Alex
Salmond pretendeu dalgún xeito neutralizar ás voces que dende Better Together
acusaban á campaña do Yes de seren agresivos... e verdade que o conseguiron.
Alex Salmond, acostumado a mesturarse coa xente, aos debates abertos que o
Gabinete do Goberno escocés ven realizando dende hai meses, dirixiuse
directamente ás persoas que realizaban as preguntas, apartándose do seu podio
de debate e iso gustou, e moito. Aínda con
todo, eu votei de menos un pouco mais de
chispa do Primeiro Ministro de Escocia. Para min non foi á súa mellor noite.
Alistair Darling perdeu os papeis
totalmente en moitas ocasión durante a noite. Notábaselle nervioso e o seu nerviosismo
foi medrando a cada minuto. Falto de
argumentos foi incapaz de dar alternativas á independencia. Nunha imaxe da
noite, á resposta dun mozo que en principio amosou o seu voto negativo, se lle
veu interesado na resposta humilde e contundente de Salmond, tornándose
claramente contrariado cando Darling deu a súa contestación utilizando un ton
tremendamente resentido e negativo.
Hai que felicitar ao moderador,
Bernard Ponsonby, quen realizou ás mellores preguntas da noite, e fixo un
traballo de contención tremendo pedindo respeto para os políticos que tiveron que aguantar apupos e improperios procedentes dos sieiros do NO, e risadas dos sieiros do Yes ante as ás veces tan caricaturescas intervencións de Alistair Darling.
Os medios de comunicación,
grandemente criticados tanto polos votantes do SI coma do NON, seguen amosando
a súa tendencia unionista sen decato algún. Nesta ocasión, logo do debate, as valoracións que buscou o
presentador da STV deixaban claro a quen querían beneficiar: 4 valoracións unionistas,
1 independentistas. Ecuanimidade non foi a característica da STV neste programa...
Menos mal que o verdadeiro debate
estase a gañar nas rúas de Escocia e non nos estudios de televisión! E ainda así, os resultados non foron malos para a campaña independentista:
Se tendes interés, aquí tendes un link para escoitar de novo o debate:
http://news.stv.tv/scotland-decides/news/285205-the-debate-as-it-happens-alex-salmond-and-alistair-darling-clash/
P.D. Como sempre La Voz de Galicia dando mostras do seu nivel de coñecemento do proceso. Este non é o único debate, Salmond e Darling repetirán o debate dentro dunhas semanas:
P.D. Como sempre La Voz de Galicia dando mostras do seu nivel de coñecemento do proceso. Este non é o único debate, Salmond e Darling repetirán o debate dentro dunhas semanas:
Ningún comentario:
Publicar un comentario